საქართველოში გაცემული საგანმანათლებლო დოკუმენტების  ნამდვილობის დადასტურების მიზნით ცენტრში უნდა წარმოადგინოთ შემდეგი დოკუმენტაცია:

ა) განცხადება (განცხადების ფორმა. განცხადების ფორმა ივსება ცენტრში ან შესაძლებელია გამოგზავნოთ ელექტრონული ფოსტის - info@eqe.ge - მეშვეობით. საქართველოს ზოგადი ადმინისტრაციული კოდექსის 73-ე მუხლის მე-3 და მე-4 ნაწილების თანახმად, საქართველოში ადმინისტრაციული წარმოება ხორციელდება ქართულ ენაზე. შესაბამისად, უცხოეთში მიღებული განათლების აღიარების შესახებ განცხადების უცხო ენაზე შევსებისას აუცილებელია, რომ განმცხადებელმა ცენტრში წარმოადგინოს აღნიშნული უცხოენოვანი განცხადების ქართულ ენაზე შედგენილი, სანოტარო წესით დამოწმებული თარგმანი);
ბ) საგანმანათლებლო დოკუმენტის/დოკუმენტების ასლი;
გ) განმცხადებლის პირადობის მოწმობის ასლი (უცხოური დოკუმენტის შემთხვევაში, სანოტარო წესით დამოწმებული ქართულენოვანი თარგმანი);
დ) სხვა პირის მიერ განცხადების წარმოდგენის შემთხვევაში − უფლებამოსილების დამადასტურებელი დოკუმენტი (მინდობილობის, არასრულწლოვნის შემთხვევაში − დაბადების მოწმობის, სახელის/გვარის გამოცვლის შემთხვევაში − შესაბამისი დოკუმენტის სანოტარო წესით დამოწმებული ასლი);
ე) შესაბამისი საფასურის გადახდის დამადასტურებელი ქვითარი. ჩვეულებრივი წარმოება (30 სამუშაო დღის განმავლობაში) - 25 ლარი, დაჩქარებული წესით წარმოება (15 სამუშაო დღე) - 50 ლარი. 

საქართველოში გაცემული საგანმანათლებლო დოკუმენტის ნამდვილობის დადასტურების მომსახურების საფასური შეგიძლიათ გადაიხადოთ ნებისმიერ საბანკო დაწესებულებაში ან სსიპ - განათლების ხარისხის განვითარების ეროვნული ცენტრის I სართულზე არსებული გადახდის აპარატის მეშვეობით.

ცენტრის საბანკო რეკვიზიტებია:

მიმღები: სსიპ - განათლების ხარისხის განვითარების ეროვნული ცენტრი

დანიშნულება: დოკუმენტის ნამდვილობის დადასტურების საფასური

მისამართი: ქ. თბილისი, 0193, ალექსიძის ქ. №1

ბანკი - სს  საქართველოს ბანკი

ბანკის კოდი - BAGAGE22

ანგარიშსწორების ანგარიში - GE66BG0000000344269500

საიდენტიფიკაციო კოდი - 202330566

ცენტრის მიერ გაწეული მომსახურებისათვის გადახდილი თანხის დაბრუნება შეგიძლიათ მოითხოვოთ და იგი სრულად დაგიბრუნდებათ მხოლოდ ამ შემთხვევებში:

ა) თუ შესაბამისი მომსახურების შესახებ განცხადების რეგისტრაციამდე უარს განაცხადებთ მომსახურებაზე; 
ბ) თუ ცენტრის მიზეზით ადმინისტრაციული წარმოების შედეგად ვერ იქნება მიღებული გადაწყვეტილება.
იმ შემთხვევაში, თუ თქვენგან დამოუკიდებელი მიზეზით ვერ მიიღებთ მომსახურებას თქვენ მიერ გადახდილი საფასურის შესაბამის ვადაში და სურვილი გაქვთ, ისარგებლოთ სხვა ვადით, რომლისთვისაც გათვალისწინებულია ნაკლები საფასური, მაშინ  ამ ორ საფასურს შორის სხვაობა უკან დაგიბრუნდებათ.