ლიცენზირებული უმაღლესი საგანმანათლებლო დაწესებულების მიერ გაცემული დიპლომის სახელმწიფო აღიარება არ ხდება. თუმცა, ლიცენზირებულ უმაღლეს საგანმანათლებლო დაწესებულებებში განათლებამიღებულ პირებს აქვთ შესაძლებლობა, უღიარდეთ მათ მიერ ლიცენზირებულ რეჟიმში მოპოვებული კრედიტები. ამისათვის მათ უნდა ჩააბარონ ერთიანი ეროვნული გამოცდები და კანონმდებლობით დადგენილი წესით მოიპოვონ სტუდენტის სტატუსი. ამის შემდეგ უნდა მოგვმართონ ჩვენ, განათლების ხარისხის განვითარების ეროვნულ ცენტრს, ლიცენზირებულ რეჟიმში მიღებული განათლების აღიარების მიზნით.
წარმოსადგენი დოკუმენტაციაა:
რომელშიც მიეთითება იმ ლიცენზირებული უმაღლესი საგანმანათლებლო დაწესებულების სახელწოდება, რომელშიც ისწავლა ამ დაწესებულებაში ჩარიცხულმა პირმა და საგანმანათლებლო პროგრამის სახელწოდება, რომლის მიზნებისთვის დაინტერესებული პირი ითხოვს უმაღლესი განათლების აღიარებას);
2. ლიცენზირებული უმაღლესი საგანმანათლებლო დაწესებულების შესაბამისი დოკუმენტის ასლი ან ცნობა ამ დაწესებულებაში პირის ჩარიცხვის, ასევე ამორიცხვის ან სწავლის დასრულების თაობაზე;
3. სწავლის პერიოდში გავლილი საგნების ნუსხა, მათი კრედიტების ან/და შეფასებების მითითებით;
4. განმცხადებლის პირადობის მოწმობის ასლი;
5. სხვა პირის მიერ განცხადების წარმოდგენის შემთხვევაში,უფლებამოსილების დამადასტურებელი დოკუმენტი (მინდობილობა);
6. შესაბამისი საფასურის (250 ლარი) გადახდის დამადასტურებელი ქვითარი.
საფასურის გადახდისაგან თავისუფლდებიან:
ა) საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედებებში დაინვალიდებული საქართველოს მოქალაქეები;
ბ) მეორე მსოფლიო ომის მონაწილეები;
გ) ომისა და შეიარაღებული ძალების ვეტერანები და იძულებით გადაადგილებული პირები – 50 %-ით;
დ) მკვეთრად და მნიშვნელოვნად გამოხატული შეზღუდული შესაძლებლობის მქონე პირები – 50 %-ით.