საგანმანათლებლო დაწესებულებების ავტორიზაციის მიზანია შესაბამისი საქმიანობის განხორციელებისათვის აუცილებელი სტანდარტების დაკმაყოფილების უზრუნველყოფა.

საავტორიზაციო განაცხადის ფორმა განსაზღვრული არ არის. საავტორიზაციო განაცხადი წარმოადგენს ჩვეულებრივ წერილს, რომელიც იწერება ცენტრის დირექტორის სახელზე და რომელშიც საგანმანათლებლო დაწესებულება გამოხატავს ავტორიზაციის გავლის სურვილს.

•    თვითშეფასების შევსებული კითხვარი; აღნიშნული დოკუმენტის ფორმა  განთავსებულია ცენტრის ვებგვერდზე: www.eqe.ge/geo/authorisation/self_assessment; საგანმანათლებლო დაწესებულებამ კითხვარში უნდა შეიტანოს რეალური ინფორმაცია საკუთარ მატერიალურ და ადამიანურ რესურსებთან და საგანმანათლებლო პროგრამებთან დაკავშირებით;  
•    საგანმანათლებლო საქმიანობის მომწესრიგებელი დოკუმენტის დამოწმებული ასლი; ეს შეიძლება იყოს წესდება, დებულება და სხვა. 
•    ავტორიზაციის განაცხადის განხილვის საფასურის (500 ლარის) გადახდის დამადასტურებელი ქვითარი

ზოგადსაგანმანათლებლო დაწესებულების ავტორიზაციასთან დაკავშირებით გადაწყვეტილებას იღებს ზოგადსაგანმანათლებლო დაწესებულებების ავტორიზაცის საბჭო, პროფესიული საგანმანათლებლო დაწესებულების ავტორიზაციასთან დაკავშირებით - პროფესიული საგანმანათლებლო დაწესებულებების ავტორიზაცის საბჭო, ხოლო უმაღლესი საგანმანათლებლო დაწესებულების ავტორიზაციასთან დაკავშირებით უმაღლესი საგანმანათლებლო დაწესებულებების ავტორიზაციის საბჭო. შესაბამისად, ცენტრთან ფუნქციონირებს ავტორიზაციის სამი საბჭო.

საგანმანათლებლო დაწესებულების ავტორიზაციასთან დაკავშირებული გადაწყვეტილებები მიიღება დაწესებულების ავტორიზაციის მაძიებლად ცნობიდან 90 დღის განმავლობაში.

ყველა სახის საგანმანათლებლო დაწესებულებას ავტორიზაცია ენიჭება 5 წლის ვადით.

ავტორიზაციის საბჭოების სხდომის ოქმები და გადაწყვეტილებები ქვეყნდება ცენტრის ვებგვერდზე: http://eqe.ge/geo/authorisation - სხდომის დასრულებიდან 10 სამუშაო დღის ვადაში.

სხდომა საჯაროა და დასწრება შეუძლია ნებისმიერ პირს. გამონაკლის შემთხვევებში, იგი შეიძლება დახურულად გამოცხადდეს და, შესაბამისად, დასწრება შეიზღუდოს.

ავტორიზაციის საბჭოს გადაწყვეტილების გასაჩივრება შესაძლებელია, თუ საგანმანათლებლო დაწესებულება არ ეთანხმება მას. გადაწყვეტილება შეიძლება გასაჩივრდეს სასამართლოში. განსაზღვრულია გასაჩივრების ვადა და იგი დაინტერესებული პირისათვის საბჭოს გადაწყვეტილების ოფიციალური გაცნობიდან 1 თვეა. გასაჩივრება ხდება  ქალაქ თბილისის საქალაქო სასამართლოს ადმინისტრაციულ საქმეთა კოლეგიაში  შემდეგ მისამართზე: დ. აღმაშენებლის ხეივანი, მე-12 კმ, №6.

ავტორიზაციაზე უარის თქმის ან გაუქმების შესახებ გადაწყვეტილება მიიღება იმ შემთხვევაში, თუ დაწესებულება ვერ აკმაყოფილებს ავტორიზაციის თუნდაც  რომელიმე  ერთ სტანდარტს.

დაწესებულების ავტორიზაციის გაუქმების საკითხი შეიძლება დადგეს მხოლოდ ცენტრის მიერ დაწესებულებაში განხორციელებული მონიტორინგის შედეგად. ასეთ შემთხვევაში, როდესაც საბჭო მსჯელობს ავტორიზაციის გაუქმებაზე, მას შეუძლია  მისცეს დაწესებულებას არაუმეტეს 15 დღე ხარვეზების გამოსასწორებლად. აღსანიშნავია, რომ დაწესებულებას  დამატებითი ვადა არ მიეცემა, თუკი საბჭოს სხდომაზე აშკარაა, რომ დამატებით ვადის განსაზღვრას შედეგი არ მოჰყვება და დაწესებულება ვერ შეძლებს მაქსიმუმ 15 დღეში ხერვეზების გამოსწორებას.

მოქმედ საგანმანათლებლო დაწესებულებას ავტორიზაცია გაუუქმდება, თუ მისი პირობები აღარ შეესაბამება ავტორიზაციის  რომელიმე ერთ-ერთ სტანდარტს, აგრეთვე, თუ მან დაარღვია საგანმანათლებლო დაწესებულების მოსწავლის, პროფესიული სტუდენტის ან სტუდენტის სტატუსის წარმოშობასთან, შეჩერებასთან ან შეწყვეტასთან დაკავშირებით არსებული წესები.

მოსწავლეები, რომლებიც სწავლობდნენ იმ ზოგადსაგანმანათლებლო დაწესებულებაში, რომელსაც გაუუქმდა ავტორიზაცია, უნდა გადავიდნენ სხვა ზოგადსაგანმანათლებლო დაწესებულებაში. რაც შეეხებათ სტუდენტებს, მათ 5 წლის განმავლობაში უჩერდებათ სტუდენტის სტატუსი და  ამ ვადის განმავლობაში უფლება აქვთ გადავიდნენ სხვა უმაღლეს საგანმანათლებლო დაწესებულებაში. ასეთ შემთხვევაში, მათ უღიარდებათ უკვე მიღებული განათლება.

თუკი დაწესებულებას ავტორიზაცია გაუუქმდება, იგი დაკარგავს საგანმანათლებლო დაწესებულების სტატუსს და, შესაბამისად, ვეღარ გააგრძელებს საგანმანათლებლო საქმიანობას.

საგანმანათლებლო დაწესებულება ვალდებულია ყოველწლიური თვითშეფასების ანგარიში წარმოადგინოს ცენტრში. ავტორიზაციის დებულების მიხედვით, თვითშეფასების წარდგენის ვადა განსაზღვრულია ყოველი წლის 1 მაისიდან 30 ივნისის ჩათვლით. დაწესებულების მხრიდან თვითშეფასების ანგარიშის წარმოდგენის ვადის დარღვევის ან წარმოუდგენლობის შემთხვევაში, ცენტრი უფლებამოსილია განახორციელოს მონიტორინგი  დაწესებულებაში არსებული მდგომარეობის  ავტორიზაციის სტანდარტებთან შესაბამისობის დადგენის მიზნით.

საგანმანათლებლო დაწესებულებების მიერ ავტორიზაციის პირობების შესრულების  შემოწმების ყველაზე თვალსაჩინო ფორმაა მათ მიერ ყოველწლიურად ცენტრში თვითშეფასების ანგარიშის წარმოდგენა. ამასთან, ცენტრის ინიციატივით, მონიტორინგის სამსახურს შეუძლია გადაამოწმოს, თუ რამდენად აკმაყოფილებს დაწესებულება ავტორიზაციის სტანდარტებს.

მონიტორინგის განხორციელების სიხშირე, დიდწილად, დამოკიდებულია ცენტრში შემოსული იმ ინფორმაციის რაოდენობაზე, რომელიც შეეხება დაწესებულებების მიერ ავტორიზაციის სტანდარტების დარღვევის ფაქტებს.

მონიტორინგის განხორციელების შესახებ დაწესებულებას ეცნობება ვიზიტამდე.

ავტორიზაციის საფასური დაწესებულებას დაუბრუნდება მხოლოდ იმ შემთხვევაში, თუ იგი ექსპერტთა ჯგუფის ვიზიტის განხორციელებამდე ცენტრს მიმართავს საავტორიზაციო წარმოების შეწყვეტის მოთხოვნით. სხვა შემთხვევაში, მიუხედავად იმისა, მიენიჭება თუ არა დაწესებულებას ავტორიზაცია, საფასური უკან არ ბრუნდება.

უმაღლეს საგანმანათლებლო დაწესებულებას შეუძლია განახორციელოს პროფესიული საგანმანათლებლო პროგრამები, თუ იგი დააკმაყოფილებს ავტორიზაციის შესაბამის სტანდარტებს.

ზოგადსაგანმანათლებლო დაწესებულებას უფლება აქვს განახორციელოს პროფესიული საგანმანათლებლო პროგრამები, გარდა მეოთხე და მეხუთე საფეხურების პროგრამებისა, თუ იგი შეძლებს ავტორიზაციის შესაბამისი სტანდარტების დაკმაყოფილებას.

ავტორიზაციის საბჭოს წევრებს საქართველოს განათლებისა და მეცნიერების სამინისტროს წარდგინებით ნიშნავს და ათავისუფლებს საქართველოს პრემიერ-მინისტრი.

ავტორიზაციის საბჭოების წევრთა შერჩევის წესსა და კრიტერიუმებს საქართველოს კანონმდებლობა არ ითვალისწინებს. თუმცა, პროცესის გამჭვირვალობისა და ღიაობის მიზნით, სსიპ - განათლების ხარისხის განვითარების ეროვნულმა ცენტრმა ავტორიზაციის საბჭოების წევრობის კანდიდატთა შერჩევისას უზრუნველყო საგანმანათლებლო დაწესებულებების, ექსპერტების, სამოქალაქო სექტორის, საერთაშორისო ორგანიზაციების ჩართულობა.

საბჭოების წევრთა უფლებამოსილების ვადა განისაზღვრება 1 წლით.

თითოეული საბჭო შედგება 9 წევრისაგან.

საბჭოს წევრი არ შეიძლება იყოს საჯარო მოხელე.

საგანმანათლებლო დაწესებულებების ავტორიზაციის საბჭოების ერთ-ერთი მნიშვნელოვანი ფუნქციაა  მოსწავლეთა, სტუდენტთა, პროფესიულ სტუდენტთა ადგილების რაოდენობის განსაზღვრის, ასევე გაზრდის შესახებ გადაწყვეტილების მიღება.  ამგვარი გადაწყვეტილებები შეიძლება დაეფუძნოს  დაწესებულების საგანმანათლებლო პროგრამის თავისებურებებს, საგანმანათლებლო პროგრამის განმახორციელებელი პერსონალის რაოდენობასა და მათ კვალიფიკაციას, ასევე, მატერიალურ რესურსს, რომელიც იძლევა შესაბამისი რაოდენობის მოსწავლეთათვის, პროფესიული სტუდენტთათვის, სტუდენტთათვის მომსახურების გაწევის შესაძლებლობას.

ადგილების ზღვრული რაოდენობა განისაზღვრება საგანმანათლებლო დაწესებულებისთვის ავტორიზაციის მინიჭებისთანავე. თუმცა, ზემოთ აღნიშნული პარამეტრების ცვლილების (გაზრდის ან გაუმჯობესების) შემთხვევაში, დაწესებულებას ნებისმიერ დროს შეუძლია მიმართოს ცენტრს კონტინგენტის გაზრდის თხოვნით. ასეთ შემთხვევაში, შესაბამისი საბჭო იმსჯელებს და მიიღებს გადაწყვეტილებას.

ავტორიზაციის განაცხადის განხილვის საფასური შეადგენს 500 ლარს.

ერთი პროფესიული საგანმანათლებლო პროგრამის დამატების საფასურია 800 ლარი.

პროფესიულ სტუდენტთა ადგილების რაოდენობის გაზრდის შესახებ განაცხადის წარდგენის საფასურია 3000 ლარი.

სტანდარტი არის სახელმწიფოს მიერ დაწესებული მოთხოვნა, რომელსაც უნდა აკმაყოფილებდეს დაწესებულება სახელმწიფოს მიერ აღიარებული განათლების დამადასტურებელი დოკუმენტის გასაცემად.