ლიცენზირებული უმაღლესი საგანმანათლებლო დაწესებულების მიერ გაცემული დიპლომის სახელმწიფო აღიარება არ ხდება. თუმცა, ლიცენზირებულ უმაღლეს საგანმანათლებლო დაწესებულებებში განათლებამიღებულ პირებს აქვთ შესაძლებლობა, უღიარდეთ მათ მიერ ლიცენზირებულ რეჟიმში მოპოვებული კრედიტები. ამისათვის მათ უნდა ჩააბარონ ერთიანი ეროვნული გამოცდები და კანონმდებლობით დადგენილი წესით მოიპოვონ სტუდენტის სტატუსი. ამის შემდეგ უნდა მოგვმართონ ჩვენ, განათლების ხარისხის განვითარების ეროვნულ ცენტრს, ლიცენზირებულ რეჟიმში მიღებული განათლების აღიარების მიზნით.
1. განცხადება (განცხადების ფორმა). მასში მიეთითება ლიცენზირებული უმაღლესი საგანმანათლებლო დაწესებულების სახელწოდება, რომელშიც ისწავლა ამ დაწესებულებაში ჩარიცხულმა პირმა და საგანმანათლებლო პროგრამა, რომლის მიზნებისთვის დაინტერესებული პირი ითხოვს უმაღლესი განათლების აღიარებას.
2. ლიცენზირებული უმაღლესი საგანმანათლებლო დაწესებულების შესაბამისი დოკუმენტის ასლი ან ცნობა, რომლითაც დასტურდება ამ დაწესებულებაში პირის ჩარიცხვის, ასევე ამორიცხვის ან სწავლის დასრულების ფაქტი;
3. სწავლის პერიოდში გავლილი საგნების ნუსხა, მათი კრედიტების ან/და შეფასებების მითითებით;
4. განმცხადებლის პირადობის მოწმობის ასლი;
5. სხვა პირის მიერ განცხადების წარმოდგენის შემთხვევაში, უფლებამოსილების დამადასტურებელი დოკუმენტი (მინდობილობა);
6. შესაბამისი საფასურის 70 ლარი გადახდის დამადასტურებელი ქვითარი.
7. საფოსტო მომსახურებით სარგებლობის შემთხვევაში მომსახურების საფასურს ემატება 5 ლარი.
ხაზინაში თანხების ჩარიცხვისათვის საჭირო რეკვიზიტები:
მიმღების ბანკი - სახელმწიფო ხაზინა
მიმღების დასახელება - ხაზინის ერთიანი ანგარიში
ბანკის კოდი - TRESGE22
მიმღების ანგარიში/სახაზინო კოდი - 707637113 (სსიპ - განათლების ხარისხის განვითარების ეროვნული ცენტრის მიერ გაწეული მომსახურების საფასური)