უმაღლესი საგანმანათლებლო დაწესებულებების საყურადღებოდ!

გაცნობებთ, რომ ცენტრის დირექტორის 2020 წლის 9 ნოემბრის №1080327 ბრძანებით დამტკიცდა „უმაღლესი საგანმანათლებლო პროგრამის აკრედიტაციის პირობების შემოწმების მიზნით, უმაღლესი საგანმანათლებლო დაწესებულების თვითშეფასების ანგარიშის“ ფორმა. იხ. ფორმა აქ. 

თვითშეფასების ანგარიში ცენტრს არაუგვიანეს სამ წელიწადში ერთხელ წარედგინება, რაც საანგარიშო პერიოდში დაწესებულების მიერ აკრედიტაციის სტანდარტებთან პროგრამის შესაბამისობის, მათ შორის, პროგრამის განვითარების კუთხით განხორციელებულ ცვლილებებს ასახავს. 

ანგარიშის წარდგენა მოხდება იმ საგანმანათლებლო პროგრამებთან მიმართებით, რომელთა აკრედიტაციის მინიჭებისას შეფასების პროცესი განხორციელდა უმაღლესი საგანმანათლებლო პროგრამების აკრედიტაციის განახლებული სტანდარტების პირობებში (განახლებული სტანდარტები დამტკიცდა საქართველოს განათლებისა და მეცნიერების მინისტრის 2018 წლის 31 იანვრის ბრძანება №09/ნ - ვებგვერდი, 01/02/2018 წელი).  

თვითშეფასების ანგარიშის წარდგენის ვადები განსაზღვრულია საგანმანათლებლო პროგრამის აკრედიტაციის  მინიჭებიდან მე-3 კალენდარული წლის 1 ივლისიდან 31 ივლისის ჩათვლით.