მხარდაჭერა COVID-19-ის პირობებში
გაცნობეთ, რომ კორონავირუსთან (COVID-19)შესაძლო გავრცელების პრევენციის მიზნით 2020 წლის 15 სექტემბრიდან განათლების ხარისხის განვითარების ეროვნულ ცენტრში მოქალაქეთა მიღება შესაძლებელი გახდება მხოლოდ ვიზიტის წინასწარი დაჯავშნით. ასევე ცენტრი აგრძელებს ონ-ლაინ რეჟიმში მუშაობას. სერვისების დისტანციურად მიწოდება მოხდება როგორც საგანმანათლებლო დაწესებულებებისათვის, ასევე ფიზიკური პირებისათვის:
- დაწესებულებებსა და ინდივიდუალურ პირებს განცხადებით მომართვა და დოკუმენტების წარმოდგენა შეუძლიათ საქართველოს ფოსტის მეშვეობით და ელექტრონულად, www.my.gov.ge-ს, info@eqe.ge და www.eflow.emis.ge-ს მეშვეობით (გარდა იმ სერვისებისა, სადაც წარმოსადგენია სანოტარო წესით დამოწმებული დოკუმენტის ასლი ან თარგმანი.)
- დაინტერესებული პირების მიღება და კონსულტირება შესაძლებელი იქნება ონ-ლაინ ვიდეო/აუდიო ზარის განხორციელებით. ამისათვის გთხოვთ მოგვწეროთ მისამართზე info@eqe.ge. ონ-ლაინ ვიდეო ზარის განხორციელებისათვის ცენტრი იყენებს Skype, Microsoft Teams-ისა და Zoom-ის პლატფორმას;
- ცენტრი საბჭოების ზეპირ მოსმენებს ატარებს ონ-ლაინ რეჟიმში. დაინტერესებული პირებისათვის ცენტრის ვებ-გვერდზე საბჭოს დღის წესრიგთან ერთად განთავსდება ბმული, რომლის საშუალებითაც დაინტერესებული პირები შეძლებენ საბჭოზე დასწრებას ონ-ლაინ რეჟიმში.
-
გაცნობებთ, რომ 2020 წლის 5 ნოემბრიდან განათლების ხარისხის განვითარების ეროვნულ ცენტრში ვიზიტი განხორციელდება ახალი პრინციპით. მოქალაქე სერვისის მიღებას შეძლებს მხოლოდ my.gov.ge- ის პორტალზე დაჯავშნით.
რა უნდა გავითვალისწინოთ:
- ჯავშნის გაკეთება შესაძლებელი იქნება მხოლოდ ვებგვერდიდან - my.gov.ge.
თვალსაჩინო ადგილზე განთავსებულია ჯავშნის კალენდარი (https://www.my.gov.ge/ka-ge/services/10/sub-services/21 ) სადაც მოქალაქე გაივლის რეგისტრაციას.
- დაჯავშნის შემდეგ, მომხმარებელი მითითებულ ტელეფონის ნომერზე მიიღებს მოკლე ტექსტურ შეტყობინებას, სადაც აღნიშნული იქნება მომსახურების ერთჯერადი კოდი, რომელიც უნდა წარუდგინოს ცენტრის თანამშრომელს.
- მოქალაქე ცენტრში მომსახურებას ვეღარ მიიღებს წინასწარი ჯავშნის გარეშე.
- ცენტრში მოსული მოქალაქე ვალდებულია გაიაროს თერმოსკრინინგი, ხელის ანტისეპტიკა და აუცილებელია პირბადის ტარება.
- სერვისის დაჯავშნა ვერ განხორციელდება ქოლცენტრის საშუალებით ან ადგილზე მისვლით. ვიზიტის დასაჯავშნად ვებგვერდი my.gov.ge, უნდა იქნას გამოყენებული.
- მომსახურების მისაღებად ადგილზე უნდა გამოცხადდეს მხოლოდ სერვისის მიღებით დაინტერესებული პირი/ან ოფიციალური წარმომადგენელი;
- მომსახურების მისაღებად ადგილზე უნდა გამოცხადდეთ მითითებულ დროს. წინააღმდეგ შემთხვევაში, მომსახურება ვერ განხორციელდება;
- შენობაში დაშვება ხდება მხოლოდ პირბადის გამოყენების და თერმოსკრინინგის შემთხვევაში.
ცენტრი მუშაობს ყოველ დღე შაბათ-კვირის გარდა, 09:00 საათიდან 18:00 საათამდე